從來都沒有去過大坑看舞火龍。
也從來都不知道原來每年中秋的大坑舞火龍是一連三晚都有的。
今年才知道，所以終於在這個追月夜去了看！ 
感激 Sheta 用 Google Map 做的“舞火龍路線圖”，提供了看舞火龍的最佳位置，不然，帶著家人前往的我，好可能只懂去最多人的路旁，然後站在人群後面看他們的背脊！ :p
我們到達“最佳位置”時已過了八時，不需等多久，火龍就正式開動了！
我用相機拍了舞火龍的影片呢！
首次看舞火龍的我們都覺得好興奮呢，不斷的嘩嘩叫，好傻！
看完真正的“龍尾”後，我們跟著人群走到街的另一邊再迎接火龍出現，並在這邊跟 Sammy 相遇了，然後，我們就一起目擊了現場發生的意外！
雖然今天是舞火龍的最後一天，但舞火龍的人們卻異常地精力充沛！又可能因為是最後一天，卻因此而有些失控了……
舞火龍頭的壯丁，刻意將火龍頭舞得左搖右擺，大幅度的靠向圍欄兩旁的人群，幅度大得，起碼半個龍頭都越過圍欄！
面對著突然壓過來、又插了無數香枝的大龍頭，人群都本能地後退，但我們身處的地方，後面卻是一小段梯級，於是在後面的數人被推了落梯級，有少女更被人壓着！
（Sammy 拍了意外經過，但因意外發生後他很快把 iPhone 放回褲中以便查看附近的人安全，所以後半段只剩聲音，沒有畫面，卻足以讓大家知道那刻的情況！）
不幸之中的萬幸是，這段梯級只有數級，跌到的人都沒有大礙。
這就是意外後的現場：
後來，我匆匆的發了數則短訊，將意外的消息發上網，早兩日看過舞火龍的 Sheta 隨即在 plurk 回應說，她當晚聽到有廣播叫“舞火龍的人不要太忘形，還有兩晚玩”，卻估不到今晚會出事。
想不到首次看舞火龍就目擊了小意外，幸好自己、家人及朋友都平安。（我哥我姐當下還來得及拉住身邊的人免他們掉下梯級）
然後，我們都不想／不敢久留，趁時候尚早，就轉去維園賞花燈了。
我，頗有一點餘悸呢。
希望舞火龍的大會，經過這次事件會得到教訓，下年舞火龍時要更照顧觀眾的安全；舞火龍原意是求平安的啊！ 
延伸欣賞：Sammy 拍的舞火龍照片集
我最近兩星期先搬返去大坑! 我細路時, 都係大坑住, 所从可从話重搭童真!
我頭一晚無去䏲! 但在浴室打開窗口望到龍頭! 之後两晚, 也有䏲真係正到脾! 細路果時, 也無䏲到甘過引, 至多也是馬奇係家人膊頭, 係比阿媽抱住睇! 今年追住條龍睇好興奮! 你有冇留意有包頭女仔打鼓, 佢打到好形! 但係真係成個男仔甘, 佢打完後, 一大啖甘成樽水飲哂, 仲吸煙tim! 
仲有原來, 只耍係大坑居民, 可報名參加, 早之都報名參加!!!! 
發龍尾好過引!!!
仲有呀! 開幕儀式時, 鬼佬警司韓sir, 佢Ｄ中文好搞笑, 但好可愛, 令到䏲到好開心! 仲見到Ｄ主人, 虐待屋企的狗, 將佢扮到條龍甘!
我覺得最佳位置係房協停車場那邊，居高臨下，可睇到全景。
我覺得最好係八月十四去睇，d 人會有力d，有規矩d；無力，易失控。
年年都開咪叫班靚仔唔好亂fing，尤其是龍尾。
唔可以有大單野發生，唔係可能”驚賊”唔畀再搞。
我也有去看，是中秋節正日那天。
中秋晚熱鬧些, 勁多人! 但琴晚條最後一晚, 一定要去攞, 因為一年一度! 追龍最好玩, 但有驚咗D香, 條龍有經我住樓下, 但對街無窗口, 果度D 人仲放D枱枱椅椅係路邊開大食會! 仲有佢地賣D火龍橙籠, 成隻傻豹甘的!
覺得停車場大光猛，看的時候不夠氣氛！
十四那晚我在銅鑼灣道和浣紗街街角看，幸好找到欄杆可以坐著，要不然連龍影都見不到。但看過你的片段和照片後，才發現我當晚看到的火龍已經掉了八成香枝，龍不成龍。明年我會早點去弟弟提議的最佳位置看囉！
我仲䏲住佢起龍, 今年由頭䏲落尾, 仲有好離譜, 日頭果時, 條龍身係放係巷仔, 有Ｄ鎻係到鎻住, 但係我覺得危險囉, 萬一比人惡作劇咪死? 鬼佬Ｄ英文好搞笑! 生氣孛夂孛夂, 匕匕佢講成生氣BOOT BOOT! 條友仲擦佢鞋, 問Ｄ人韓sir Ｄ中文講得好唔好野? 叫人扌白手, 我也有扌白!
不過現在好懷念D紙燈籠!
我都有去維園䏲花橙! 好靚但氣氛差好遠!
Gordon,
謝謝你留o左咁多個言啊~
睇o黎你都好鍾意大坑喎~
尋日未有好好咁睇清楚呢個地方, 希望第時可以再了解多d~
金魚, 嘉, sheta,
經此一役, 下次都未必敢去.
(起碼未必會帶屋企人去, 我媽媽話見識過一次已經好夠)
Hello Sidekick,
琴晚大坑又變得好清靜了, 有些唔慣, 今朝早出門時, D 旗仲向度, 明年如果仲係香港, 一定報名去舞, 我聽Ｄ街坊阿叔話以前Ｄ人舞得好賣命同唔錫身的, 所从比而家精彩! 你D相好靚, 我影D好失敗, 仲有唔知點解, 每次諗住可从take 到 best shot, 實有條筬利伸頭出嚟!
你好丫..
你拍得非常好呢…
我是舞火龍健兒的一份子,主要負責龍尾部分.
我舞了都有5年了..期盼來年有機會再見大家=]
Gordon,
咁希望你出年真係會玩埋一份啦! (不過要注意安全啊!)
Gordon and 菩提子,
我d 相影成咁你o地都讚, 我好汗顏啊…
菩提子,
原來你負責龍尾部分? 唔知我條有冇影到你呢? 我睇龍尾位包頭哥哥時, 見佢彈彈o下, 好有活力咁, 睇到我嘩嘩叫啊! :p
最後, 都係呢句: 要注意安全啊!
總算有驚無險……
其實早幾年火龍都試過舞埋入維園做綵燈會節目一部份, 點知亦係因為舞火龍o既團隊非常有自己o既宗旨, 所以唔係好順利咁啦……
今年有冇同冠而去睇花燈? 因為今年又係我繼「四大美人」果次之後再i/c 燈展。文化中心鐘樓外面有個【繽紛水世界】, 以濕地同海洋為取材(想有o的環保意識咁啦), 老老實實, 今年真係整得靚架。好多小朋友特別鍾意小丑魚、白海豚同埋條河豚。另外響西九果邊就係以大白兔同走馬燈為主o既懷舊燈組(我響我 blog 度放左相), 兩個 set 都係會 display 到10月12日, 而家中秋過左, 去影相應該冇咁多人, 易霸位o的。:)
留番條 link 先…
http://www.lcsd.gov.hk/CE/Entertainment/EntertainmentOffice/08lanterncarnival/spectacularex.html
愛蓮,
淨係帶冠而去o左維園咋…
好, 遲o下帶埋佢去老尖同西九先…
喂, 如果國慶日去西九睇煙花你覺得如何? 會唔會好多好多人?
Hello Sidesick,
Fing 龍尾好過引㗎! 搞到D人驚咗你同嘩鬼叫!
如果有機會, 我一定會小心Ｄ, 同埋希望明年你會再嚟!
愛蓮,
上星期我經文化中心, 但無留意到D 燈飾, 或者因為果日有人行婚禮同映緍紗照, 我發覺Ｄ人好鐘意係果度映緍紗照! 等我揾日去睇吓D , 應該幾靚吓!
我聽西九果邊做管理o的人講, 中秋正日果一兩晚都幾迫, 仲有警車駐場, 所以國慶晚相信都會多人, 不過應該冇老尖咁迫, 因為西九真係太吊腳…
講開又講, o的”大佬”o既 logic 係好難理解架, 佢地話, 叫我地響果度攪燈展, 係希望帶旺個場; 但其實十個入黎o既九個都話, 根本唔應該揀個咁吊腳o既地方黎攪…… 可惜, 我只可以跟 order 做。上面果班, 唔明就永遠唔明, 因為反正o的 complaint 唔駛佢地答, 唉。
Gordon,
哈囉。文化中心o的燈飾係響鐘樓水池果邊。我果時都仲做緊 set-up, 已經有新人用o的水母當背景影結婚相, 認真捧場, 哈。今次間 contractor 真係好比心機做, 我自己都幾滿意架。
愛蓮,
我上年都有去西九睇花燈 (見這篇:賞燈去！), 而且仲係由佐敦地鐵行過去添… 走時先知有免費車去地鐵站, 激死… (網站當時冇講有車啊)