昨晚收到明報記者的電郵，告訴我訪問要刊出了。
以下，是一些小小的感想。
這個訪問，其實是兩個月前的事了。
作為夜貓子的我，在清晨時份看了網絡版的報道（Sidekick 附連結及圖的備份），覺得還不賴啦！雖然有少許資料錯誤。
例如：幫我畫Sidekick 頭的是Bubi而不是Babi。
60多人到海運戲院看電影的壯舉，是跟 HKIBBS 的網友而不是跟新聞組網友。
今天收到不少來自明報網站的referal link，令是日增添近千pageview，及Adsense多添兩、三元美金收入，夠我買三四份明報。:p
在流量計見到有網友專程到搜尋器找“千千萬萬個無名”一文，無言感激！:eek:
做訪問，從來不太擔心出街的內容，最擔心的只是那張照片。
今天晚上到好友家飯聚，順道去買了明報，在船上看了報上的照片，不爽！
別人的照片都是正面，又是半身、全身，幹嗎Sidekick 的是大頭、側面，還要張開咀巴？醜！
到朋友家時就嘩啦嘩啦的訴苦。
好友菜鳥說，揀相的人應不是女生，男士們是不會concern這些的。
在訪問中，我笑說對於肯拍照肯做訪問已豁出去了；有好幾位朋友見到我說還可能會用網誌徵婚，紛紛來留言取笑。
是啊！唔知醜嘛！
不過，我想，看了報紙的人，看了我這張照片，都笑死了。
看來，這次訪問之後，想用網誌徵婚無望了！:shock:
其實，我是怕醜、知醜的。
我倒覺得你的相幾ok, 反而公園仔和阿鏗雙雙托腮, 更搞笑.
公園仔那張是自己指定的嗎? 他那張是最好的, Hang是第一次見, 而你那張真的不像你喎~
我應該托埋一份嘛… :p
你唔明o架喇~
你覺得ok, 係因為o係你眼中, 我係咁上下醜樣, 但o係我眼中, 我唔知/唔認為自己係咁醜樣, 於是覺得好醜樣囉…
我猜沒有指定這回事吧?
如果可以自己揀相, 我打死都唔會出呢張啦…
我都覺得公園仔o個張最好, 又有貓, 又有型, 好羨慕!
同埋, 朱凱迪o個張都好得o架, 我冇放上o黎, 但有放上flickr~
要徵婚就當然要搵張好D架啦，個記者都唔醒目少少:mad:
無問題啊，幾好睇喎！
乜有問題咩？
我覺得好吸引喎！
如果因為呢張相影響到您將來感情的發展，儘管告訴我……
我替您分擔。(哈！自己都覺得好廢喎！)
咪係, 真係大整蠱…
遙,
咩都好, 循例多謝你一聲先~
:p
相比起阿hang果張,我覺得,你果張影得幾唔錯.
我覺得 3 張相都是不夠光
你同阿hang個張都影得唔好啊!
我仲成日以為, 記者影相都有番咁上下啦.
影得唔好, 都唔打緊, 揀相差, 就有點兒那個了!
係呀, 杜麗、小心都話影得hang 唔好…
不過, 起碼細頭嘛…
你有冇見過報紙實物?
我放得上o黎, 當然整得冇咁清楚, 如果你睇真d, 你會知sidekick o個張有幾唔掂…
其他兩張我唔知, 我o個張其實夠光, 不過我寧願佢一係soft d, 一係爆d…
要隱惡揚善啊, 影得靚d, 揀d 好d o既相, 除o左對當事人, 亦係對讀者o既善事, 唔好虐待人家眼睛啦…
影相o既唔係記者, 而係攝影師啊~
我已經好懇切咁拜托攝影師大佬要對我仁慈一d, 儘量影得我好少少啦…
媽媽今日都問點解唔揀張好d o既相…
也許人家盡了力, 只是當事人實在長得太抱歉…
當然, 我唔係咁諗… :~~~
唔知講咩黎安慰你，節哀啦惟有….
攝影師都影成咁﹖真係離譜﹗效果仲差過以前D用完即棄垃圾相機呀﹗其實佢影左幾多張呀﹖
謝謝你啊~
Stannum,
我諗冇廿張都起碼有十張…
我覺得係做咁多次訪問最肉酸o既一次, 簡直令我對鏡頭o既恐懼大增…
你之前啲相都唔係咁樣嘅！呢張對女仔嚟講真係幾大打擊喎！
網上徵婚…想起這單東東…
http://blog.sina.com.cn/u/4745108a010005ip
呢個攝影師同編輯都幾抵打喎!
咁嚴重? 弊… :p
未至於好大打擊, 有點不開心就是了…
sputnik,
以前看明報都覺攝影不錯(尤其是副刊), 不知為何這次如此… 鞋……
點解我無過千人由mingpao 黎？
哈哈，不如cut 左我果part？我發現真係影得好差
hang,
你睇真d, 我指的是當日的pageview 比平日高了一千, 而不是visit啊~
而且亦不是說有一千個來自mingpao 的referal link 啦.
不如我再整細d 張相啦, 好冇?
一直不在這篇文章留言，因為實在不知說些什麼話好，妳那張相片固之然影得不好，阿 Hang 那張就更不濟，影得好像一個阿伯。
一係改用一幅訪問全版 thumbnail 仲好啦﹗
見到大家咁講反而放心好多, 起碼證明sidekick跟阿hang 真人應該比那張照片好看一點!
上一篇已用了, 這篇就是想說那幾張照片嘛~
而家咁細張, 應該ok 卦?
真人是真的真的比照片好看.
tong,
是啊~ 其實唔止”好看一點”, 而係”好看好多”, 你說得對!