k2點解有呢個 title？
因為睇o左呢段新聞：

060927蘋果日報港聞版：
服裝店回收「我想死」T恤

今年開學至今已有三名學生自殺身亡，社會為之震驚，但有年輕人服裝連鎖店集團，在新季度推出一款寫有「我討厭自己，我想死」的長袖T 恤。多名教育界人士批評該設計有鼓吹自殺的意味；該公司應允日內全線收起產品。


今早讀報時，由於想起刁民寫的：“快閃強姦與炸迪士尼的是非對錯”，覺得都跟某些價值觀及道德有關，所以在那邊留言云：

我覺得，d教育界人士真係好鍾意教育人，同好管閒事，樣樣都話唔o岩， “女王的教室”又嘈， “年青人寫blog 寫衰o野”又話要禁，而家整件咁o既t-shirt 又話要管…
香港人o既心靈幾時變得咁薄弱？咁容易受人影響，咁需要受保護o架？
誠然，件t-shirt o既句子並不是甚麼好句子，但再咁落去，我怕遲d d 歌詞就算只係“做隻貓，做隻狗， 不做情人”之類都可能有教育界人士會嘈，話歌詞鼓吹年青人唔好做人云云……

睇到呢d 咁o既新聞， 先至真係令人想死……

-___-

刁民那邊有好些留言回應，
CK：

係呢,我都覺得,香港人幾時變得咁脆弱既…唔只脆弱,仲好似智力低左,唔識分析任何事情,下下要大家長操控.

葉一知：

係呀, 中學生寫blog都話唔啱!
所以我覺得社會好兩極化, 一邊就道德潔癖, 一邊就覺得不應有任何道德, 很奇怪的社會!
d 政府宣傳片都做緊大家長角色, 咩都教!

蒲蒲居：

個人認為,呢個現象係同”脆弱”人士大量輸港並在港大量自行複製(reproduce)及令其他人有樣學樣有關.從”無間道”賣埠”要改結局可見一班.

　
　
延伸閱讀：

  • 2006年9月24日　蘋果日報「色情暴力充斥 教育界擬整頓 年輕人網誌趨失控」
  • 2006年9月24日　明報　「逾七成高中生寫網誌 半數指增寫作興趣」
  • http://lazylife.org » 耐人尋味

    同一天的新聞。

  • 艾薇．天空 » Blog 是洪水猛獸?!

    當很多人以blog作很多正面的事時, 甚至連作家也以blog發表文章, 為什麼有人會認為學生寫blog會令語文能力下降呢? 為什麼覺得寫blog是壞事? 為什麼blog會變成洪水猛獸, 令教育界如臨大敵？

  • 網絡暴民 Jacky’s Blog » 寫比不寫好

    曾經何時，我們慨嘆新一代人不愛寫不愛讀，只愛照單全收式的資訊，坐在梳化呆呆地看著電視，接受各式各樣的官能刺激，缺乏思考。現在 Blog 將寫作這回事，以新技術重新包裝，結合網絡，產生出新的價值。先不論其他的方面，單單是多了人寫，多了人思考 (雖然未必確當) ，就值得鼓勵。

  • 占占字起：斬網誌避粗言

    這當然是荒謬的，反教育的和是一個下下策。學校要做的應該是作正面教育，應該鼓勵他們寫，多用書面語，多禮待別人，多尊重事實，而不是把寫博這活動查封了。

  • 譚劍的男人失樂園：Blog當然是洪水猛獸

    這一批教育界高層，長期被「教改」玩得頭昏腦鈍，和社會脫了節，根本不知道部格是甚麼一回事。商界用部格來做market communication，已是一股不可擋的趨勢。

  • My Life as Open Source：名歌今曲夜之I hate myself and I want to die

    該本地時裝店回應說設計靈感一向取材自街頭文化，之但係Kurt Cobain 都死左十幾年你宜家先偷佢橋有無遲d 呀？？Nirvana 最新果隻碟都出左兩年啦！件tee 仲賣$299！！！有無搞錯，買件正版Nirvana band tee 都未有咁貴！

trackbacked by：
東南西北：Freedom of Speech Trampled Again in Hong Kong
Janice Lo: A rebuff to HK educational sector’s comments on blogging

Related Posts with Thumbnails