Just a letter……

小踢D字好靚呀！:oops::oops:

有了Blog之後，比bbs或newsgroup更難寫文。

例如某些人，以前在bbs口不擇言，稍出差池便以海嘯式的貼文清洗大地，很輕易便又成一條好漢。在Blog時代，每篇文章皆permalink，只要在google一查，自己的惡行醜事便清清楚楚排列出來。

這是進步還是退步？

當年的隨心所欲，在blog時代已難再現，就如你明知電話被監聽，還怎可能暢所欲言？

可能，每個blogger都應該有一個暱名的blog – 還要記緊不要寫出名氣。

:arrow:又唔駛摺呢個既，用第二個網名開過另一個blog寫D想寫既野囉。

好鄰居小踢：

其實您都已經好明白，人無辦法贏得全世界既認同……

一個 blog 如果淨係講自己既生活點滴，
講下貓講下狗講下細路仔，
我地會將之分類為好個人閒聊既 blog，
久唔久上去睇下相睇下短片，
睇多幾次鳥都悶出來…
但一個 blog 如果講下社會問題、新活時事，
感覺就好唔同…
尤其當大家都對眼下政府或多或少存在不滿！
我地會將之分類為有話題既 blog，
可以成日上去睇下大家對同一件事既唔同睇法，
半論壇既討論，精彩好多！！
但當然，當一個地方變成半論壇既時候，
就會特別惹來麻煩…

雞與蛋既問題…………

踢踢，可能您未必鍾意聽（其實係睇…：P）
覺得除非您唔再寫，唔再講，
否則就算您改名換姓開過另一個地頭，
講既依然係您喜歡既話題，
好快，同一個情況又會再次出現……

講，永恆係天下無敵，
所以係到可以好瀟洒咁同您講：
唔好理人地點睇自己，
變唔變都係自己既事，
o岩傾o岩講既咪泥囉，
唔o岩傾唔o岩睇您大開門口又唔係做生意，
唔泥就算！
駛乜理人點睇自己？
想講就講；想寫就寫，
唔好為自己揹上太多既枷鎖 ^^

sidekick, 很有同感, 尤其是blog變得好像只可以分享生活瑣事. 不開心的不方便透露, 因為總有人看到, 無論認識你的, 不認識你的, 一面之緣的, 不太了解你的, 都會看到.

早前, 最親愛的人, 有一天竟然從google找進來了…

雖然, 在blog說的都是實話, 都是自己開心愉快的一面, 但自己憤慨, 傷心, 失望, 憂慮的一面, 卻從此不能在那裡展現出來了.

最最最可怕是, 如果工作上認識的人, 有一天都找進來的話, 我想像不到我可以在哪裡”搵窿捐”.

為什麼自己會這樣介意? 因為每個人都會在不同人面前飾演一種面貌, 所以不希望自己的某一面被看到?

說著說著, 究竟這個真實的”自己”, 是屬於自己的, 還是屬於別人眼中的?

其實我說的, 是自己的故事… 你的又是不是一樣呢?

起飛腳ee﹕

同你心靈相通喎﹗早排我都諗住手寫幾篇文擺上blog度；不過我手字(同埋個人 心地)冇你咁靚，所以都係打消念頭。

又，早排又諗過轉用mysina-blog，貪佢可以set password。不過咁，如果要係blog上面加上密碼，咁就冇左最初寫blog個種希望分享既意義囉。

(當然，近一兩年blog興起，就好多野都同最初….二三四年前唔同囉)

又又，take care喇。

我只是其中一個欣賞你,,,但從不多言的人…
有些ｂｌｏｇｇｅｒ只把生活點滴放到網上，，，與朋友分享喜與樂…
也有些ｂｌｏｇｇｅｒ選擇把自己的另一面放到網絡世界上，
可以認識另一圈子的朋友．．．

我一直ｋｅｅｐ住寫既係真正既自己，結果～當然冇人睇
轉用ｘａｎｇａ，，，因為多人用多人睇．．．
但係學校入面太多人識我…愈來愈多小妹妹睇我ｄ開心傷心事…
我冇可能一面輔導ｄ唔開心既師妹，一面響ｘａｎｇａ大寫傷心失意事…
結果真的跟你所說的一樣．．．只寫開心的事，只說鼓勵的話
原來是發洩的地方，沒有了憤怒和傷感的ｐｏｓｔ．．．
因為每次ｐｏｓｔ完，就會即刻諗『都係費時影響人ｄ情緒』而ｄｅｌ左”
最後用返ｂｌｏｇｇｅｒ．ｃｏｍ
網址仍是公開，但只有最ｃｌｏｓｅ既ｆｄ會有咁好閒情逸致去睇

一直覺得你有點『傳奇』的感覺，，，寫ｂｌｏｇ寫出名堂…
談起ｂｌｏｇ都會想起你，介紹中不乏你的蹤影
影響力．．．大了
能力愈大，，，背負既責任亦愈大
承擔多了…壓力怎可能不大？！
要是真的承受不了，便要停止一下
無論的你決定如何，大家都支持你！！尊重你！！
問題在於你仲有冇果份heart
如果有,,,就算你勁耐先寫一篇post,,,都有人sub住你慢等
如果寫ｂｌｏｇ像拍拖　愛*總有維繫既方法　唔愛*就冇得勉強

＊＊＊＊＊＊＊＊好長氣ｔｉｍ ＊＊＊＊＊＊＊＊＊