早前開了一個私竇, 原因有二:
一. just a sidekick 乜鬼都有, tech tech o地o既o野又有,
歌詞研究又有, 家庭生活, bb 肉照又有, 好鬼精神分裂~~~
二. just a sidekick 薄有名氣, 得Google, yahoo, 百度等等search engine錯愛,
現時, 唔計熟朋友, 單單由呢d search engine 每日彈過o黎o既 Visit 達二百多個,
page view 就成五百幾.
你的blog 可能仍是私竇, 但我的blog, 就已經成為了社區中心~
(人多、口雜, 連發發小脾氣也被人罵了……)
於是, 當 sidekick 想分享o下個人生活感受時, 就怪怪了,
情況就好似拎住支咪, 企o向講台上,
對住現場幾百個識同唔識o既人講私事咁, 幾怪?
所以, 想開個私竇, 只招呼熟朋友,
感覺, 就好似大家挨o向sofa, 摸住酒杯底傾偈咁.
話明係私竇, 所以唔打算公開, 將地址俾太多人知.
話明係朋友傾偈, 所以唔打算有人會disclose談話內容, 兼且具名具姓.
其實, 私竇放的東西, 唔算係咩秘密, 只是所提的事比較個人,
不介意給朋友知道, 但, 介意任何人也可以知道.
不過, 私竇由於已曝光的關係, 所以將於不日關閉了~
原來, 私竇不易為……
哈哈, 人紅自然難找私竇了, 有狗仔隊啊:roll:
Indy, 我都以為自己幾紅 :face: … 不過應該有排都未算~ Blog友ZZ, 及網友帶銀出街會俾人認出, 我冇! 所以未算~~
第一次留言，都係Deki..提一提我個名先敢出聲:smile:
我完全明白了解你的感受呀，我都覺搵個地方擺ｄ秘密野都咁難。之前我試過擺享xanga，唔掂，原來去過其他同網既日記都會留低左個地部﹔擺上自己網，我都驚google丫嗚果ｄ神通廣大會比人拎到。
網路世界咁大，少少秘密都搵唔到訂擺…不如開個txt file擺享自己部腦度就算，只怕有日死機渣都冇淨，又或者呀豬呀狗上黎借用部腦唔覺意比人睇哂:twisted:
心事何處擺好呢？
我都想認識下銀帶喎
↑私伙 server, 有營業同休息時間….
或者自己部 mp3.
(但係唔係叫你文字化聲音喎….係既話一部 ipod都未必夠~)
銀, 係咪我提一次你出現一次先?
鞋~~ 我o個d 又唔算咩天大o既秘密, 係秘密o既話, 不如就唔好俾人知, 唔好放上電腦/網, txt file 都唔安全, 就算你冇裝Google Desktop 都係咁話…
btw, 要Google同其他search engine唔好搵到你, 其實有少少辦法, 有興趣去睇睇~~
說到尾, 有鎖o既日記簿始終有一定價值, right? 雖然我就o黎唔識寫字喇~ (你仲好d, 起碼會用繪圖筆畫o下公仔~)
祝
好多心事, 好多開心事~~
Jansen, 你連人o地個名都打錯喇~~
帶銀, 識佢容乜易, 係人都識佢啦, 佢唔識你之嘛~~ :p
我係帶銀fans 啦, 唔抵得時, 就會e-mail o下佢, 然後, 到佢早排停寫, 咁o岩到我開始寫blog, 變o左佢睇番我轉頭, 感覺好得意, 我又會以為大家好熟咁啦~
Van, MP3 and other memory storage are great!
哈哈，我都係屎lenmui一件，唔好咁抬舉我。Deki呢度好睇好多呀:wink:
其實都唔係有ｄ咩秘密咁大支野，不過有ｄ說話，係唔適宜當住幾千人面前講的。Deki你想搵個私竇擺，都係希望搵幾個知心分享下嘛，寫落日記簿始終有ｄ寂寞:face:
估唔到有咁既分唇，等我研究下先。我原本都係用傳統一ｄ既辦法，就係久唔久轉網址，反正睇的只有兩個人。然後我覺得自己好老土，擺少少野都咁避忌。
係呀，Deki多數聲喵過我都係鬧／指正／指點我架，但係我鍾意，哇哈哈:grin::grin::grin:
“Deki呢度好睇好多呀”
“Deki多數聲喵過我都係鬧／指正／指點我架”
＜–銀! 邊有咁o既”樹”…… :face: